துபை மண்டல தமுமுக சார்பில் சமுதாய நல்லிணக்க நிகழ்ச்சி 07-11-2014 வெள்ளிக்கிழமை (இன்று) இரவு இஷா தொழுகைக்கு பிறகு துபை பனியாஸ் மெட்ரோ பகுதியில் உள்ள லேண்ட்மார்க் ஹோட்டல் அரங்கத்தில் நடைபெற்றது.
நிகழ்ச்சிக்கு துபை மண்டல தமுமுக தலைவர் சகோதரர் ஏ.எஸ்.இப்ராஹீம் தலைமை தாங்கினார்.துபை மண்டல தமுமுக துணைத் தலைவர் சகோதரர் அப்துல் காதர் திருக்குர்ஆன் வசனங்களை ஓதி நிகழ்ச்சியை துவக்கி வைத்தார்.
அமீரக தமுமுக அலுவலக செயலாளர் சகோதரர் இஸ்மத் இனூன் மற்றும் துபை மண்டல தமுமுக நிர்வாகிகள் முன்னிலை வகித்தனர்.
அமீரக தமுமுக துணைத் தலைவர் சகோதரர் ஹூஸைன் பாஷா துவக்கவுரையாற்றினார்.
தமிழகத்திலிருந்து வந்திருக்கும் தமுமுக மாநில செயலாளர் முனைவர் ஜெ.ஹாஜாகனி அவர்கள் "சமுதாய முன்னேற்றத்தில் நமது பங்கு" என்ற தலைப்பில் சிறப்புரையாற்றினார்.
துபை மண்டல தமுமுகவின் செயல்பாடுகள் பற்றி Projector மூலம் விளக்கி காண்பிக்கப் பட்டது.
இறுதியாக துபை மண்டல தமுமுக செயலாளர் எஸ்.எம்.ஷாகுல் ஹமீது நன்றியுரையாற்றினார்.
துபை,ஷார்ஜா,அஜ்மான்,அபுதாபி, அல் அய்ன் உள்ளிட்ட அமீரகத்தின் பல்வேறு பகுதிகளிலிருந்து பெருந்திரளானோர் இந்த நிகழ்ச்சியில் கலந்து கொண்டனர்.
இந்த நிகழ்ச்சியை துபை மண்டல தமுமுக சகோதரர்கள் சிறப்பாக ஏற்பாடு செய்திருந்தனர்.
