அமீரக தமுமுக செயற்குழு கூட்டம் 24-10-2014 வெள்ளிக்கிழமை காலை 9 மணிக்கு அல் அய்ன் மண்டல தமுமுக மர்கஸில் நடைபெற்றது.
அமீரக தமுமுக செயலாளர் சகோதரர் யாசீன் நூருல்லா தலைமை தாங்கினார். அல் அய்ன் மண்டல தமுமுக தாஃவா பணிக்குழு உறுப்பினர் கொள்ளுமேடு முஹம்மது ரிஃபாயி திருக்குர்ஆன் வசனங்கள் ஓதினார்.
அமீரக தமுமுக துணை செயலாளர் டாக்டர் அப்துல் காதர் முன்னிலை வகித்தார். அமீரக தமுமுக துணைத் தலைவர் சகோதரர் ஹூஸைன் பாஷா அவர்கள் அமர்வை நெறிப்படுத்தினார்.
கடந்த கால செயல்பாடுகள் பற்றி மீளாய்வும், எதிர்கால செயல்திட்டங்கள் குறித்து ஆலோசனைகள் செய்து பல்வேறு தீர்மானங்கள் நிறைவேற்றப் பட்டன.
இந்த செயற்குழுவில் சிறப்பு அழைப்பாளராக தமிழகத்தை சேர்ந்த பொருளாதார ஆலோசகர் திருவாரூர் பிரோஸ் ஷா அவர்கள் கலந்து கொண்டு தொழில்துறையில் ஹலால் முதலீடுகள் பற்றி உரையாற்றி இது தொடர்பான கேள்விகளுக்கு பதிலளித்தார்.
இந்த அமர்வில் அல் அய்ன், துபை, அஜ்மான் மண்டலங்களின் தமுமுக நிர்வாகிகள் கலந்து கொண்டனர்.
இந்த அமர்வுக்கான ஏற்பாடுகளை அல் அய்ன் மண்டல தமுமுக நிர்வாகம் செய்திருந்தது.
